Асаламу гlялайкум ахlерти адамти! Хlурматла гlяхlли! Бехlбирхьулла нушала даргала гумай заманализи ва даргала ванзурбикадси архlя. Гумай нушаб хала бегlтачибад баибси саби. Сабира нушала адамтас итхlели радиола, телевизорла, клубра, школара биубли буибси. Ишар сари илдани далути сагати хабурти, иргъути диуб-ардякьунтачила гьанбикуни ва багьахъниби, цализибад ца сегъуна-биалра санигlятличира бурсибирули ишаб бири. Шилизи бегlгьалав вакlибси гlяхlялра ишав кьабулирусири ва чили-биалра сунес гlяхlял варили арикусири ишавад.

2021 ибил дусла январьла 27 личиб Чинарла цаибил номерла СОШ лизиб, Лебилдунъяла нешла мезла барх1илис хасбарибси , Дагъиста поэтунала назмурти дуч1нила шайчибси муниципальный конкурсла цаибил ярга бетерхур , сунезира табасаранна ва даргала мезанала вакилтани бут1акьяндеш дарибти . Иш балбуцла мурадра сабри адамла ва жамаг1ятла г1ямрулизиб мезла кьадри чебаахъни , мезличи диги адикьни ва илди мях1камдарни , вег1ла культура , г1ядатуни , тарих ва литература руркъни . Балбуцличиб лебри Дербентла районна РУО ла начальникла къуллукъуни заманалис духахъуси Эрик Ибрагьимов , РУО ла методуентрла руководитель Тамила Алиева , районна профсоюзная организацияла председатель Алиева Диляра , шоколала директор Гусева У. М., буч1анти ва учительти . Конкурсла бут1акьянчибачи мубаракла дугьбачил дугьаизур Эрик Карибович Ибрагьимов ва конкурсличир чедибдешуни диубли дигни буриб . Конкурсличир 11 ибти кллассунала буч1антани бут1акьяндеш дариб . Жюрили назмурти кьиматладариб буч1нила устадешла , мяг1на ва идеяла бях1чибиз иргънила шайчир кьиматладариб . Конкурсличир илкьяйда лерри Дагъиста халкьанала далуйти , делхъ ва инсценировкаби . Чедибикибти Эрик Ибрагьимовли Багьудила Управлениела грамотабачил шабагъатлабариб. Илдани илкьяйда февральла 21 личиб Мях1ячкъалализиб бетурхуси республикала конкурсличир бут1акьяндеш диру .

Октябрьла 19 личиб Чинар шила администрациялизиб мезла ва культурала дахъал шалубардеш калахънила шайчиб нешла мезла учительти Алиева С.М., Рамазанова М.М., Рабаданова А.Р., Мурадова М.А., Исмаилова З.И. ва школала буч1антани «Мезла ва культурала барх1и» бик1уси миллатла майдан дураберк1иб, сабира Дагъиста мезла ва культурала барх1илис багъишлабарибси . Ил барх1и кабизахъурсири 2016 ибил дуслизиб , Дагъиста миллатунала мез , культура , г1ядатуни , тарих мях1камдирнила масъалаличи жамяг1ятла пикри бит1ик1ес . Ил халкьла искусствола байрамличир бут1акьяндеш дариб табасараннтала , даргала , агъулла ва азербайджанна миллатла вакилтани. Дебали жагали балкьаахъур зал , даршили миллатла мезаначил белк1ани ва лерилра миллатунала вакилтала писательтала жузи . Илди далдуцуни жагадирулри кьальинтачир гьаладихьибти гьар урла матях1ли ва миллатунала берклумани . Гьарилра миллатла мезаначил назмурти делч1ун , буч1антани чула миллатла история буриб , инсценировкаби чедаахъиб , агъулла мезли далай - инсценировка чебаахъб . Ил балбуц хъараур миллатла берклуми гьаладихьили . Ила бак1ибти г1ях1ли сабри МКУ ла «Управление образования МР « Дербентский районна» начальник Новрузалиев П. Т. , «Чинарла сельсоветов» бек1 Герейханов А.Д. , Дербентла районна образованиела управлениела ИМЦ МКУ ла заведующая Алиева Т.М. , МКОУ «Чинарская СОШ - 2» ла директор Касимова Р.Р. ва бег1ти . Школала директор Гусаева Умужат Мях1яммадовнани сунела коллегабас ва буч1антас баркаллала ва х1урматла дугьби буриб .

Районна декадала дазулизиб , 4 классдизиб январьла 22 личиб « Сушествительное - гъайла бут1а » бик1уси темаличила нешла мезла ( дарган мезла ) дарс дураберк1иб ( учитель Рамазанова Марият Мях1яммадовна ). Дарсличир илини дурх1ни буч1ахънила ( ТСО) гьаннала заманала г1яг1ниахълуми пайдаладариб . Дарсла мурад: Багьуди кайсахънила шайчибси - «Существительное- гъайла бут1а» бик1уси тема тикрарбарни ва кагахъни. Гьалабях1 бикнила шайчибси - вег1ла пикри х1ядурбарили бурес багьни , х1ялумц1ла дурабурк1ес , цугбурцес , пикри дурасес бални . Руркънила шайчибси - вег1ла мезличи ва мер-мусаличи диги адикьни . Дарсличиб лебри нешла мезла учительти ва директорла заместительти . « Дарс наб делали г1ях1бизур . Учительницани дарс кабирхьнила дек1ар - дек1арти тях1урти пайдаладирули , дарсла мурад сархиб . Дарс гьамадли аргъесли бетерхур , дек1ар-дек1арти тях1урти пайдаладариб , г1яхил пайдаладариб тикрарбируси материал . Ученикуни дарсличи х1ядурлири , дарган мез длани илдани чебаахъиб . Педагогли бишт1атала иштях1 бак1ахъиб» - кьиматлабариб дарс С.А. Алиевани . «Дарс бех1бихьибмад учительницани буч1антала иштях1 бак1ахъиб , саркъахъили бурибси дарсла мурадли . Дарсличир компьютерла сурсатуни пайдаладарили , дарсла сабухъчебдеш ахъбиахъуб . Илкьяйда пайдаладариб жура-журала хьарбауд . Ахирличир бишт1атани чули чула багьудлуми кьиматладариб . Дарсличиб кабатурси мурад сархиб ва чихъси кьиматличи лайикьбикиб» - буриб Р.К. Османовани .

Гьар дус февральла 21 личиб «Чинарла СОШ №1» МКОУ лизиб нешла мезла учительтани халкьани-ургабси нешла мезла барх1илис хасбарибси балбуц дурабурк1ули саби , сабира нешла мез калахъниличи , гьаладях1 дикниличи , бег1тала культура ва г1ядатуни мях1камдирниличи , чеалк1уси наслулис рух1ла ва адамдешла бяркъ бедлугниличи бях1чиаибси . Балбуцличир 2 - 11 ибти классунала буч1антани бут1акьяндеш диру . Илар школализир дуч1ахъути мезаначил назмурти дуч1а , инсценировкаби чедиахъу , багьираби дуру . Илкьяйда 7-10 ибти классунала буч1антани делхъра чедиахъу . Ил балбуцличиб лебри шила администрация, буч1антала бег1ти , буч1анти ва учительти .